Ақтау қаласына қарай бағыт алған жеңіл көлік жоғары жылдамдықпен жүйіткіген. Осы кезде жүргізуші рөлге ие бола алмай жолдың қарсы бетіне шығып кетіпті. Салдарынан бетпе-бет келе жатқан Volkswagen Passat-қа соғылған. Бұл апаттан қос көліктің жүргізушісі мен бір жолаушы оқиға орнында тіл тартпай кетті. Қазір апаттың себеп-салдарын анықтау үшін арнайы сараптама тағайындалып, тергеу амалдары жүргізілуде.

Жаннұр Таңатарова, Маңғыстау облыстық ПД Ішкі және сыртқы коммуникация бөлімі бастығының міндетін атқарушы:

- Жол-көлік оқиғасы салдарынан екі көліктің жүргізушілері, сондай-ақ бір жолаушы алған жарақаттарынан оқиға орнында көз жұмды. Аталған дерек бойынша ҚР ҚК 345-бабы 4-бөлігі бойынша сотқа дейінгі тергеу басталды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!