«Фэмили Рок-фест» шарасына алынған билет Қапшағайдың оңтүстік-батысындағы жеке жағайжайда тігілген шатырларда демалуға, көлде шомылуға мүмкіндік береді. Делебені қоздыратын биылғы жылдың басты опен-эйрі 28-тамызға жоспарланған.

Қапшағай су қоймасының оңтүстік-батыс жағалауында қызу тіршілік тоқтамай жүріп жатыр. «Песчяная коса» демалыс орнында құмды тегістеп жатқан техникалар дәл осы жерге 500ден астам көлік сиятын тұрақ жасап әлек. Өйткені небәрі үш аптадан кейін басталатын Family ROCK Festival-ға ТМД елдеріне танымал болған әншілер келетіндіктен, жұрттың қарасы қалың болады деп күтілуде.

Осы уақытқа дейін стадиондарда он мыңдаған адамды аузына қаратып жүрген топ фестивальде бір жарым сағат өнер көрсетеді. Сондай-ақ сахна төрінде «Үркер» мен «Мотороллер» тобы да рок жанрында ән шырқамақ. 

Сергей Жуйков, Family ROCK Festival арт-директоры:

- Бұл отбасылық рокфестиваль. Әдетте ересектер өздерінің сүйікті әртісіне бару үшін бүлдіршіндерін қайда қалдырамын деп әбден басын қатырады. Алайда бұл фестивальге қонақтарымызтөрт жастан асқан балаларымен келуіне мүмкіндігі бар. Фестивальдің хэдлайнерлері «Сплин» тобы, «Смысловые галлюцинации» тобының экссолисті Сергей Бобунец, «Тотал» тобы және өзіміздің «Лампы оркестра» тобы. 

 Көрермендер делебені қоздыратын рок әуенін тыңдаудан бөлек, сан түрлі ойын-сауыққа да қатысады. Шара жалпы екі күнге созылмақ. Жұрт ашық аспан астында түнеу үшін тіпті арнайы мың адамға арналған шатырлар тігіліп жатыр.

Әселім Әлижанова, Kino.kz жобасының жеткешісі:

- Рок фестиваль аясында билет сатумен айналысамыз. Біз үшін қаламыздың әрбір тұрғыны билетті еш қиындықсыз сатып алып, ісшараға қатысуы маңызды. Төрт мыңға жуық көрермен күтілуде. Қазіргі таңда билеттердің жартысынан астамы сатылды. Кімдекім сатып алып үлгермесе, асыққаныңыз дұрыс болар.

Ауқымды шара 28- 29 тамызда өтеді. Ұйымдастырушылар рок жанрындағы әуенге сусаған жұрт қайталанбас әсер мен ұмытылмас сезімге бөленеді деп отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!