Жоғарғы Тайынты ауылы тау бөктерінде орналасқан. Тұрғындар биыл елдімекенде аюлардың саны артқанынйтады. Азық іздеген жыртқыштар ауыл шетіне шыққан ірі қараны жарып кетіп жатыр. Бір ғана қожалықта он бес күннің ішінде үш бас сиырын жайратып тастаған. Ал тағы екі танасы ізім- ғайым жоқ.

Асқар Тоқмәдиев, бақташы:

- Екі миллионға жуық шығын келді. Тиісті орындарға шағым түсіргенімізбен, нәтиже жоқ. Аюды атуға болмайды. Енді не істерімізді білмей отырмыз. Кімнен көмек сұраймыз?

Аюлар омарташыларға да тыныштық бермей жатыр. Бал іздеген жыртқыштар түн жамылып араның ұяларын да сындырған. Омарташылардың еңбегі еш кетіп жатыр. Олар да құзырлы орындардан аңды атуға рұқсат беруді талап етуде.

Алексей Погодин, омарташы:

- Қыпқызыл шығын келіп жатыр. Міне, аралардың жәшіктерін тас-талқанын шығарған. Дереу арада атуға рұқсат бермесе, адамдарға да шабады. Өйткені ашыққаны соншалық, қорқытсаң да кетпейді. Есесіне қаһарлана түседі.

Қазір аю саны көбейгенін жауапты мекеме өкілдері де растап отыр. Олардың айтуынша, жыртқыштар азықтың жоқтығынан ауылға  шабуылдайтын болаған. Бірақ мамандар дереу арада атуға шешім шығаруға әлі ерте дейді.

Василий Ткаченко, ШҚО орман мен жануарлар дүниесін қорғау жөніндегі жедел жасақ бастығының орынбасары:

- Заңнамаға өзгерістер енгізе бастады. Мысалы, жануар зиян келтірсе, оны жоюға болады. Бірақ ол әлі шешім қабылдауға болатын деңгейге жеткен жоқ.

Ерекше қорғалатын  тяньшаньдық аюдан басқасын атуға қыркүйектен қарашаға дейін экология министрлігінің берген рұқсаты бар. Шығынға шаш етектен батқан шаруалар оған дейін қорбаңдаған аң қалған мал-мүлкімізді жайпап кетеме де деп үрейленіп отыр.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!