Қаңғыған иттер оқушының сау тамтығын қалдырмай талап өлтірген – Ақтөбе
Ақтөбеде 12 жастағы баланы ит талап өлтіргені дәлелденіп, тергеу аяқталды. Тәртіп сақшылары мұны оқыс оқиға деп бағалап, істі жауып тастаған. Енді ешкім жауапкершілікке тартылмайтын болды.
Автор: Жаңалық Ахаш
17.08.2022
Елді дүрліктірген оқиға екі жарым ай бұрын болған еді. Есет батыр тұрғын үй алабынан Мадияр есімді баланың өлі денесі табылады. Бұралқы иттер оқушыны талап, сау-тамтығын қалдырмаған. Сол кезде-ақ полицейлер қаңғыған иттер талап өлтірген болу керек деген болжам айтқан еді. Бірақ бала кісі қолынан қаза тауып, құрылыс алаңына лақтырып кетуі мүмкін деген алып-қашпа әңгіме де тарады. Екі ай бойы тексерілген сараптама қорытындысы Мадиярды бір топ бұралқы талағанын растады.
Нұрболат Сұлтанов, Ақтөбе облысы ПД тергеу басқармасы бастығының орынбасары:
- Бала көп қанын жоғалтқан. Бас, дене, аяққолы жарақаттанған. Сот-медициналық сараптама нәтижесінде баланың өлімі иттердің талағанынан болғаны анықталды. Қылмыстық құқық бұзушылық болмауына байланысты қылмыстық іс тоқтатылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
