Өрт сөндірушілер кеше түс уақытында шыққан өрттің салдарымен әлі күресіп жатыр. Бір қабатты ғимараттың ішіндегі түтеп жатқан мақтаны сыртқа шығаруда. Ал мақта түту цехы «Қазақ зағиптар қауымдастығы» бірлестігінің оқу-өндірістік кәсіпорнына қарасты екен.

Қызыл жалын от шыққан ғимаратқа жапсарлас тұрған басқа өндіріс орнына жайылып үлгермеді. Әйтпесе шығын көлемі едәуір артуы мүмкін еді.

Ал оттың шығуын өртсөндірушілер де, мақта түту цехының электригі де ғимараттағы электр сымдарының ескіргенінен деп отыр.

Дмитрий Карманов, электр маманы:

- Ілулі тұрған кабельде қысқа тұйықталу болып, от содан шықты. Ал мұндағы электр желілерінің басым бөлігі 50 жылдан бері ауытырылмаған. Оған қоса бұл кабельге кір жуу мекемесі мен жиһаз шығаратын цех қосылған. Әлбетте, онсыз да құрғап, кеуіп кеткен кабель мұндай жүктемеге шыдай алмаған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!