Жеткіншектер шынығатын және өнерге баулитын нысандар да талапқа сай емес. Залдардың дұрыс жабдықталмағаны өз алдына, жаттығатын орындар жертөлелер, дүкен мен пәтерлердің ішінде орналасқан. Өңірде бағдарлама шеңберінде 12 мыңнан астам баланы қамтыған 57 секция мен үйірме жұмыс істеген. «АртСпорт» бағдарламасына мамыр айынан бері облыс бюджетінен 1 жарым миллиард теңге бөлінген. Аrtsport.edu.kz платформасының жұмысы жетік болмаған соң, қызмет ұсынатын компаниялар бұл бағдарламаны май-шелпекке айналдырған. Яғни алаяқтық жолмен атқарылмаған жұмыстарға бюджет қаржысын емін–еркін қымқырып отырған.

Дамир Бектұрғанов, ШҚО Прокуратурасының қоғамдық мүддені қорғау басқармасының прокуроры:

- Сабаққа қатыспаған балаларға ақы төлеу, жаттықтырушыларға екі рет ақы төлеу, сабақтарды өткізбеу сияқты бұзушылықтар анықталды. Қазірдің өзіндіз сегіз миллион теңгеге жуық шығын көлемін анықтадық. Бұл бойынша процессуалдық шешім қабылдануда.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!