Әнуар Аркенов, «Батыс су арнасы» ЖШС бас директоры:

- Жедел жәрдем шақырдық. Кәріз құбырынан аққан лас су. Оны бір жұтсаң жетіп жатыр. Санаулы секундта адам тұншығып қалады. Біреуін өзіміз шығарып алдық. Бірақ аман алып қала алмадық. Ал екінші жұмысшы бұранда ашылып кеткенде соққы алды ма, ол жағын білмеймін. Жабылып жүріп шығара алмадық.

Құдықта қалған екінші жұмысшының денесін құтқарушылар алып шыққан. Апат таңертең болған. Қаланың су арнасы оралдықтарға кәріз құбыры жарылғанын хабарлап, суды тоқтатып тастаған. Жөндеу бригадасы екінші насос станциясына барып іске кіріседі. Екі жұмысшы коллекторға құбырлардың бағытын өзгертіп жалғау үшін жер астына түседі. Осы кезде көзді ашып-жұмғанша құдыққа лас су ағылып толып қалған. Екі жұмысшы кәріз суына батып кетеді. Бұранда қалайша жылжып кетті, қауіпсіздік шарасы сақталды ма, әзірге оны ешкім айта алмайды . Қазір  оқиға орнында еңбек инспекторлары мен полиция жұмыс істеп жатыр.

Лунара Аманғалиева, БҚО ПД баспасөз қызметінің жетекші маманы:

- 1971 және 1982 жылғы азаматтар жөндеу жүргізіп жатқан кезде апатты жағдай орын алып, оқиға орнында көз жұмды. Аталған факті бойынша ҚР ҚК 156-бабының 4-бөлігі, сотқа дейінгі тергеу басталды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!