Видеожазба авторының сөзінше, өткен жексенбі күні өзеннің Ғашықтар аллеясы тұсы ластанған. Ол судың арнасы ағарып кеткенін көрсетіп, одан жағымсыз иіс шығып тұрғанын айтады. Өзеннің қала ортасымен өтетін бөлігі болғандықтан, жақын аймақта ешқандай өндіріс ошағы да жоқ екен. Сондықтан химиялық қалдықтар құйылуы мүмкін деген болжам қарастылмайды. Қазір экологтар өзен суынан сынама алып тексеріс жүргізіп жатыр. Су деңгейі төмендеп кеткендіктен жағада дақтар қалған. Жағымсыз иіс те қолқаны жарады.

Айнагүл Тоқанова, ШҚО экология департаменті зертхана-сараптама бақылау бөлімінің бас маманы:

- Шығыс Қазақстан облысы бойынша экология департаментінің мамандарымен оқиға орнына жедел жетіп, судың ластану дерегі  расталды. Бірақ қалай ластанғанын анықтау мүмкін болмады. Алынған сараптама қортындысы әзірге дайын емес.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!