Қазірдің өзінде жағажайдағы дайындық жұмыстарының басым бөлігі аяқталған. Ұйымдастырушалар тек қонақтарды тағатсыздана күтіп отыр. Үлкен шара алдындағы соңғы дайындығы қалай?

Құрылып бітуге қалған сахна, қарбаласып жатқан жұмысшылар. Family rock festival 70 гектарға жуық аумақты алып жатқан таза жағажайда өтпек. Фестиваль қонақтары үшін ашық аспан астындағы тамақтанатын және ойын-сауыққа арналған орындар да дайындалып жатыр.

Данила Уваров, Family rock festival ұйымдастырушысы:

- Фестивальде төрт алаң болады. Әуелі сахна, кейін қонақтар емінеркін жүретін фестиваль аймағы, шатырлы қалашық және мыңға жуық көлік сиятын тұрақ. Сондай-ақ шомылатын жағажай бөлек аймақ болады. Онда кешкі 8-ге дейін жүзуге рұқсат. Жалпы алаң қазір шамамен 80 пайыз дайын тұр.

Төрт мыңға жуық қонақ келеді деп күтіліп отырған шарада ТМД елдеріне танымал рок орындаушылар өнерлерін паш етпек. Оның ішінде аты аңызға айналған «Сплин» тобы да бар. Ең қызығы, фестивальға 4 жастан асқан баламен келуге рұқсат.

Данила Уваров, Family rock festival ұйымдастырушысы:

- Фестивальде жалпы 5 топ өнер көрсетеді: «Мотороллер», «Үркер», «Тотал», «Сплин» тобы. Айтып өткен жөн, «Сплин» тобы елімізге соңғы рет 6 жыл бұрын келген. Сондықтан қонақтарымыз бен рок жанрының жанкүйерлері үшін өте қызықты болады деп ойлаймын. Алматыда 5 мыңнан астам адам жиналатын мұндай ауқымды фестиваль болмаған.

Отбасылық рок фестиваль алдағы жексенбі және дүйсенбі өтеді. Қонақтар ашық аспан астында түнеу үшін тіпті мың адамға арналған шатырлы қалашық та дайындалып жатыр. Ұйымдастырушалар 2 күнге созылатын шарада рок жанрындағы әуенге сусаған жұрт ұмытылмас сезімге бөленеді деп отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!