Ақтөбеде көлігінің газ баллоны жарылған жүргізуші ауыр халде жатыр
Ақтөбеде көліктің газ баллоны жарылып, жүргізушісі оңбай жараланды. Денесінің жетпіс пайызы күйген алпыс жастағы тұрғын аурухананың жансақтау бөлімінде жатыр.
Автор: Жаңалық Ахаш
29.08.2022
Ардақ Өтенов, Ақтөбе облысы ТЖД бас маманы:
- Оқиға орнына келген кезде Ладагрант» автокөлігі толық өртеніп жатқандығы анықталды. Өрттен 1962 жылы туған азамат жетпіс пайыз күйікпен ауруханаға жеткізілді. Өрт 09 сағат 19 минутта сөндірілді.
Көліктің түгі қалмай жанып кеткен. Ал тізгіндегі жүргізушінің жағдайы тым ауыр дейді дәрігерлер. Оны аман алып қалып баруға барын салып жатыр. Оқиға Ақтөбе шетіндегі саяжайлардың бірінде болған. 60 жастағы тұрғын көлігімен сол жақтан шығып келе жатқанда машинасының газ баллоны жарылған. Артынша от тұтанып, техниканың түгі қалмай жанып кетті.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
