Тексеру нәтижесінде көліктің ілеспе құжаттарында мәлімделмеген бірнеше тауар шықты. Мысалы, әйелдердің тері күртешесі, джинсы, футболка. Мына жерде – тон.

Осылайша «Алтынкөл» бекетінде кеден заңнамасын бұзды деген күдікпен алты теміржол контейнері ұсталды. Жалпы салмағы 137 тонна. Ондағы декларациясы жоқ тауардың кеден құны 1 миллиард теңгеден асады. Аталмыш контейнерлер Қытайдан Ресейге транзит дәліз арқылы бет алған. Қазір мата деп көрсетіп, өзге тауарды өткізбек болғандардың ісін Жетісу облысы экономикалық тергеу департаменті қарап жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!