Гүлназира Лескенова, Алматы қаласының тұрғыны:

- Білмейм енді. Түсінбей тұрмыз. Қуанып тұрмыз, әрине. Бүгін демалуға келгенбіз. Күтпеген жерден болды. Жылағым келіп тұр. Рақмет сіздерге, көпкөп, осындай нәрсе жасап жатқандарыңызға!

Бағы жанған отбасының Шымбұлаққа келуі бірінші рет емес екен. Үнемі таза ауамен тыныстауды әдетке айналдырған олар топ ете түскен тосынсыйға сене қоймаған. Ал миллионыншы адамды кешен қызметкерлері турникет арқылы анықтайды. Яғни келушілердің билеті сканерленген сайын реттік саны шығып отырады. Жалпы операция жүйесі Шымбұлақта жыл сайын бірінші қазаннан басталып, келесі жылдың 31 қыркүйегіне дейін жүргізіліп тұрады. Бұған дейін тау курортына келетін қонақ саны 600-700 мыңнан аспапты. Алайда кешенге жауаптылар соңғы жылдары тек қыста ғана емес, жыл бойы турист үзілмейтініне қуанып отыр. Мұнда жай күндері 5-6 мыңға жуық қонақ келсе, жаңа жыл қарсаңында бұл көрсеткіш еке есеге дейін артады екен.

Іңкәр Бекжанова, «Шымбұлақ» тау-шаңғы курортының бөлім басшысы:

- Бір жыл бойы келушілер саны миллионға жетті. Бұл көрсеткіш бұған дейін болмаған. Және миллионыншы келушіге біз Шымбұлақ таукурортының атынан миллион теңгенің сертификатын ұсындық. Бұл межеге жетуімізге Шымбұлақпен қоса, серіктестеріміз Қазақ туризм мен спорт және мәдениет министрлігінің де қосқан үлесі зор.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!