Таңғы сағат сегіз шамасында «Береке» базарының бір бұрышынан лаулаған өрт шыққан. Куәгерлер шұғыл өрт сөндіру қызметіне хабар беріпті. Жедел жеткен құтқарушылар жалынды бір сағатта өшірді. Өрт асханадан шығып, артынша сауда дүңгіршектеріне тараған деп болжайды. Шамамен 20-ға жуық кәсіпкердің халық тұтынатын тауары күлге айналды деген дерек бар. Қазір шығын көлемі есептеліп жатыр. Зардап шеккендерге өтемақы беріле ме, жоқ па, ол жағы әзірге белгісіз. Дерек бойынша іс қозғалып, тергеу басталды. 

Әлібек Әбсатов, Жамбыл облысы ТЖД өрт сөндіру қызметінің бастығы:

- Бір асхана, пластиктен жасалған төрт контейнер өртеніп кетті. 600 шаршы метір алаңда. Өрт 08:30-да оқшуаланып, сағат тоғызда сөндірілді. Қаза тапқандар мен зардап шекендер жоқ. Өрттің  себебі анықталып жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!