ШҚО: Өрт 1300 гектар алқапты күлге айналдырды
Шығыс Қазақстан облысында алапат өрт төртінші күні әрең ауыздықталды. Қызыл жалын 1300 гектар алқапты күлге айналдырған.
Автор: Ұлан Нұрахмет
12.10.2022
Пугачев орман шаруашылығына жақын далада тұтанған өрт 260 адамға да бой бермеді. Олар төрт тәуілік бойы сөндіруге әрекет еткенімен, мың үш жүз гектар аумақ тұтас жанып кетті. Ал өрттің өрши түсуіне қатты жел мен таулы аймақта техникалардың жүре алмауы себеп болған. Жалын тіпті қарағайлы орманға қарай бағыт алып, тікұшақпен әуеден су шашуға тура келген. Ақыры тілсіз жаумен төменнен де, төбеден де күресіп, жасыл желекті аумақты сақтап қалды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
