Қорықшы браконьерлермен қалай күреседі? Өзі күзетіп отырған аумақты қорғап қала ала ма? Оны дүйсенбі мен жұма аралығында кешкі сағат 18:55-те  көрсетілетін «Қорықшы» сериалынан көріңіздер. 

Телехикаяның алғашқы сериясында Жігер Терексайға қорықшы болып жұмысқа орналасады. Аумақта заңсыз әрекеттердің барын байқаған ол қылмыстық топпен күресін бастайды. Бұл шайқаста қорықшының ескі дұшпандары да бар. Осылайша жан-жақты жауларымен күрескен Жігердің екі ортада жүкті жұбайы қаза табады. Сөйтіп кек алудың қам-қарекетіне кіріскен басты кейіпкерді актер Алмат Елегенов сомдайды.

Алмат Елегенов, актер:

- Маған жақын болғаны атысшабыс қой, өзімнің үйренген. Өйткені біз каскадер болғаннан кейін атысамыз, қырылысамыз. Сол себепті атысқан маған жақынырақ болды. Ал сезімді ойнау ... сәл қиынырақ болды. Табиғатта. Жігердің айтқанынан қайтпайтын мінезі көрерменді баурап алады деп ойлаймын.

Бұзақылармен айқасқан қорықшылар ішінде Жігер аман қалып, Медет деген азамат ажал құшады. Артынша өлім себебін анықтау мақсатында інісі Нұржігіт қорықшылық қызметке өзі орналасады. Дәл осы жерде тәжірибесі аз маманды құрығына түсірген қаскөй Әлиханның өзі басшысымен араздасып, екі оттың ортасында қалады.

Алмат Сақатов, актер:

- Қызғаншақ, ақшақұмар, мансапқор, тек өз қамын ойлатын. Манайындағылардың бәрін өзінің ойлаған мақсаты үшін қолданатын.  Сондықтан да жақсы адам деп айта алмаймын. Кейбір кезде, тіпті өзім кино көріп отырғанда соның арасынан өзімнің жаман мінезімді көріп қалатын кезім болады. Біздің кинодағы образымыздан сондай адамдар өзін көретін болады.

Қорықшылар заңсыз іспен айналысып жүрген кәсіпкерлердің жолын кесе ала ма? Ерекше қорғалуы тиіс аумақты көз қарашығындай сақтай ала ма? Бұл сұрақтардың жауабын «Қорықшы» телехикаясынан таба аласыздар. Сериал дүйсенбі мен жұма аралығында 18:55-де КТК арнасынан көрсетіледі.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!