Нөсер жауын астында сап түзеген бозбалаларға бүгін естен кетпес күн болды. Әскери өмірге қызыққан оқушылардың әрқайсысы осы тұрақтағы тікұшақтардың ішіне отырып тізгіндемесе де, әуе техникасының қыр-сырын біліп қайтты.

Ал ұшқыштар кабинадағы жабдықтардың қызметімен таныстырып, өз тәжірибелерімен бөлісті.

Шараны әуе қорғаныс күштерінің әуе базасы мен Медеу ауданының қорғаныс істері жөніндегі басқармасы ұйымдастырды.  

Дархан Ербұланұлы, ұшқыш-штурман:

- Әскери бөлімде бар техникаларды көрсеттік. Оның ішінде МИ17, МИ-35, Еurocopter сияқты тікұшақтарды көрді. Тікұшаққа қазір адамдардың қызығушылығы басым және де ішіндегі барлық техникамен таныстыру – ең бірінші міндетіміз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!