Таң атасымен мыңнан аса тұрғын қаланың қақ ортасындағы 91 метрлік ту тұғырдың төңірегіне жиналды. Арасында алты жастағы баладан бастап еңкейген қарияға дейін бар. Бір мезетте жиналып, бір жерде әнұран шырқау туралы хабарлама бірнеше күн қатарынан тұрғындарға алдына ала таратылған еді. Таңғы сағат тоғызға белгіленсе де, шараны қолдаушылар көп болды. Әнұран шырқалып болған соң, 25 көліктен тұратын автошеру ұйымдастырылды. Олар көк туды желбіретіп қала көше бойлай жүріп өтті. Артынша орталық саябақта жергілікті әртістер мен шығармашылық ұжымдары патриоттық әндер шырқады.

Жаннұр Балғожин, Т.Бигелдинов атындағы әскери әуе күштері институтының курсанты:

- Республика күні бүкіл, барша қазақ еліне құтты болсын деп тілеймін! Болашағымды осы әскери өмірмен байланыстырғым келеді. Әскери ұшқыш боламын. Әскери салада Қазақстанға үлес қосамын деп үміттенемін.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!