Тоқаевтың штабы Қарағанды облысында кәсіпкерлер, шахтерлер және студенттермен кездесті
Қасым-Жомарт Тоқаевты қолдау жөніндегі Республикалық қоғамдық штабтың мүшелері өңірлердегі сайлаушылармен кездесуді жалғастырып жатыр. Бүгін үміткердің жақтастары Қарағанды облысының кәсіпкерлері, шахтерлері және студенттерімен кездесті.
Автор: Сымбат Ғалымбекұлы
31.10.2022
Қарағанды облысының кәсіпкерлерімен жүздескен кезде қазіргі президенттің ұлттық экономиканы дамыту және жеке бизнесті ынталандыру жөніндегі басымдықтары айтылды. Сондай-ақ, штаб мүшелері Қарағанды университетінің студенттері және оқытушыларымен кездесті. Ал «Казахстанская» шахтасының кеншілеріне еңбек адамын қолдауға және өндірістердегі қауіпсіздікті арттыруға бағытталған үміткердің бастамаларын түсіндірді.
Жалпы, Қасым-Жомарт Тоқаевты қолдау жөніндегі Республикалық қоғамдық штабтың мүшелері ел аумағында осы күнге дейін 5 мыңнан астам үгіт-насихат іс-шарасын ұйымдастырған.
Тоқтар Әубәкіров, Қ.Тоқаевты қолдау жөніндегі республикалық қоғамдық штабтың мүшесі:
- Қазақстанды өзгертуге, жаңартуға кішкентай болса да үлесімізді қосуымыз керек. Бір кісідей, барлығымыз 20 қарашада дауыс берейік.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!