Динара Құттығалиева, Ақтөбе тұрғыны:

- Балаларда құрғақ жөтел, жүрегі айнып, терісінде жара, аллергиялық жаралар бар. Тіпті бассейнге атааналар жарысқа келгенде көзі қатты ашып демала алмайды. Хлор тым көп деп ойлаймын. Мүмкін хлор дұрыс шығарылмайтын шығар.  

 Достық кешеніндегі бассейнге қатысты спорт мектебінің 30-дан астам ата-анасынан әкімдікке арыз түскен. Олар балаларының бассейннен кейін көзі қызарып, тоқтаусыз жөтеліп, денесін қызыл бөртпе басатынын айтады. Шымыр болсын деп жүзуге берген оқушылар аллергияға шалдығып жатыр деп ашынады. Ал бассейннің тазалығына жауапты спорт мектебі басшылары суды жылына бір рет жаңартамыз деп отыр. Қалған күндері хлор қоспасымен залалсыздандырылады екен. Ең қызығы, бұған дейін жүзуден ел чемпионатына қатысуға келген командалардың бірінің спортшылары түгел ауырған. Ол кезде де хлордан күмәнданған. Қазір бассейндегі тазалық пен су құрамы тексеріліп жатыр. Облыстағы спорт басқармасындағылар кешен жұмысын тоқтатпайтынын айтады.

Евгений Гончаров, Ақтөбе облысы дене шынықтыру және  спорт басқармасының басшысы:

- Осы жағдайға байланысты тексеру жүріп жатыр. Бүгін санитар мамандарды шақырдық. Олар бассейннің суынан сынама алды. Барлығы сол сынаманың қорытындысынан кейін белгілі болады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!