Жигули Дайрабаев: «Ауылға – жағдайы болып, тұрмыс мәселесі шешілсе барады»
Президент сайлауына «Ауыл» партиясының атынан түсіп жатқан Жигули Дайрабаев үгіт-насихат жұмыстарын Астанада жалғастыруда.
Автор: Айғаным Достанбай
09.11.2022
Кандидат пен оның партияластары елордадағы шағын кәсіпорындардың бірнешеуін аралап шықты. Қарапайым заттар экономикасы ауыл шаруашылығынан бастау алатынын айтқан Дайрабаев сала мамандарын толғандырған бірқатар проблеманы жіпке тізді. Сонымен қатар елордадағы тігін фабрикаларының біріне барып, сайлауалды бағдарламасымен таныстырды. Фабрикада төрт шеберхана жұмыс істейді. Ол трикотаж, шұлық, шеврон және әскери салаға қажет заттарды шығарып, астананың қақ ортасында кәсібін тәп-тәуір дөңгелетіп отыр.
Жигули Дайрабаев, ҚР президенттігіне кандидат:
- Тігін цехында 70-80-ге жуық тігінші жұмыс істейді екен. Бұл кісілердің бәрімен сөйлестім. Ауылда жұмыс болмады, Қазақстанның түкпір-түкпірінен, әр өңірден келген азаматтар. Ауылда жағдай болса, тұрмыс мәселесі шешілсе, инфрақұрылым жөнделсе, ауылға баруға болады. Астанаға күн көру үшін келдік дейді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
