Өтемақы салымшыға өзі депозит ашқан банктен беріледі. Өтінішті онлайн түрде де келесі жылдың 1 қаңтарына дейін тапсыру керек. Қаражат 2023 жылдың 23 ақпанына дейін банктен теңгемен депозит ашқандарға ғана түседі. Яғни қаржы сонда 1 жыл сақталған болуы шарт. Өтемақы бойынша өтелетін ең жоғарғы сома – 20 миллион теңге. Қазір елімізде 5 миллионнан астам салымшы сыйақы алуға толық құқылы. Оның ішінде салымшылардың 97 пайызы депозитке 5 миллион теңгеге дейін ақша салған. Қазақстанның депозиттерге кепілдік беру қорының мәліметінше, өтемақыға 360 миллиард теңге жұмсалыпты. 

Алмаз Құдайбергенов, Қазақстанның депозиттерге кепілдік беру қоры төрағасының орынбасары:

- Банктер теңгедегі депозит бойынша 10% есептеуге келісім беру туралы салымшылардың өтінішін қабылдап жатыр. 23 ақпанға дейін депозиті болу керек. Ол депозитті бір жыл ұстау керек. Оны алу үшін 1 қаңтарға дейін өтініш жазу керек. Осындай негізгі үш талабы бар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!