Өткен аптада Риддерде жылу қазандығы бұзылып, 22 мың абонент суықта қалған. Шаһар тұрғындары баспанасын электр пешімен жылытуға мәжбүр. Ал мектеп мен балабақшалар уақытша жұмысын тоқтатып, оқушылар үйден оқуға көшті. Қазір 12 бірдей бригада қазандықты жөндеп жатыр. Әзірге үш қазандық жұмыс істеп тұр. Бірақ оның күші қаланы толық жылытуға жетпейді екен. Ең негізгі – алтыншы қазандықты кеше іске қосқанымен, түнде қайта өшіруге мәжбүр болған. Себебі: жылу құрылғысы қайта тесіліп қалған. «Енді ең дұрысы – жаңа қазандықтар салу», - дейді энергетика министрі.

Болат Ақшолақов, ҚР Энергетика министрі:

- Тек Риддерде ғана емес, елдің біраз өңірінде жылу желісі ескірген. Жаңарту керек. Ал Риддерде жаңа жылу электр станциясын салуға кететін шығынды жақсылап есептеген жөн. Тарифті те ескеру қажет. Оны бірден өсіріп жіберуге болмайды. Жалпы, мемлекетке тұтас жылу жүйесін қалпына келтіріп жаңартуға 500 миллирдтай теңге қажет.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!