Жуалы ауданы Шымбұлақ ауылының үш тұрғыны елдімекеннен 15 шақырым жердегі таулы аймақта трактормен жұмыс істеуге барыпты. Кенет қар жауып жолды басып қалған. Қалыңдығы бір метрден асқан ақұлпа мен бұрқасын техниканы мүлдем жүргізбей тастаған. Қайтар жол іздейміз деп, ақыры адасып қалыпты. Артынша төтеншеліктерге хабар түскен. Құтқарушылар Трекол арнайы техникасымен шықса да, ауа райы қолайсыздығынан түнімен іздеп таппаған. Тек ертесіне бір-ақ адасқандардың тұрған жерін анықтады. Олар ауылдан 40 шақырымға ұзап кетіпті. Үш адам тәулік бойы тапжылмай, қарға батқан тарактордың ішінде отырыпты.

Кеңесбек Әбдірайымов, Жуалы ауданы №7 өрт сөндіру бөлімінің бастығы:

- Өз үйіне жеткізілді. Ол кісілердің жағдайы жақсы. Медициналық көмектен бас тартты. Және түнімен жаурап, шаршап, қалжыраған. Бірақ денсаулықтары жақсы.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!