Байланыстың болмауы әсіресе оқушыларға қиын. Олар үй тапсырмасын орындай алмай әуре болған. Көпке кесірі тиетін колонияларды тұрғындар қала сыртына көшіруді талап етуде.

Бұл 158-7 ерекше режимдегі колния. Дәл осы маңда шоғырланған тұрғындар бірнеше күннен бері қиналдық дейді. Яғни телефон байланысы жоқ, WhatsApp, Фейсбук, Инстаграм әлеужелілерден ажырап қалған. Бұқара оған түрме басшылығын айыптайды. Олар төрт күн бұрын телефон байланысын бұғаттаушы қондырығы орнатқан дейді.

Сол күннен бері бұқара телефонды тек сағат пен калькулятор есебінде қолданамыз дейді. Өйткені ол желіге де қосылмай түкке жарамсыз болып қалған. Түрмедегілердің байланысты да тұтқындауы жұртышылықтың ашуын туғызды. 

Әбиірбек Жайнабеков, Тараз тұрғыны:

- Ылғи өшіріп тастайды. Екіөүш күндеп. Осы жолы ұзақ болды. Ешқандай байланыс жоқ. Мейрам күндері болады ғой, сол кезде ылғи өшіріп тастайды. Басқа көшеде тартады, осы екі көше ұстамайды.

Байланыстың азабын көргендердің бірі — Рымкүл Күзебекова. Зейнеткер немерем сабақта төмен баға ала ма деп уайымдайды. Өйткені бесінші сынып оқушысы интернеттің болмауынан үй тапсырмасын орындай алмаған. 

Рымкүл Күзебекова, Тараз тұрғыны:

- Телефонмен сөйлесе алмай қалдық. Балалар интернет қолдана алмай қалды. Мына жаққа бірдеме қойған дейді. Біз оны түсініп жатқанымыз жоқ. Көрші түрме бастығымен сөйлескен екен. Тығындағыш қойдық депті ғой. Оны қойса, өз жағына қойсын, бізде несі бар?! Біз де тірлік жасаумыз керек. Балалар оқиды, интернет пайдаланады.

Қаланың үш ауданында дәл осындай жағдай. Бейресми есеппен 100 мыңға жуық тұрғын байланыстан ажыраған. Олардың бәрі жедел жәрдем мен такси де шақыра алмай әуре болған.   

Ақбота Шінәлі, Тараз тұрғыны:

- Тығында,ыш қосқан, бірақ өздерінде байланыс бар. Түрменің есігінің алдында ұстап тұр, сол жерден сөйлестік. Ал бізде, қарапайым халықта желі жоқ. Тіпті ешкімге телефон соға алмаймыз. Түрмені көшірсін немесе басқа жағдай жасап берсін.

Қылмыстық атқару жүйесі департаменті еліміздің барлық түзеу мекемелерінде осындай қондырғы орнатыла бастады дейді. Тараздағы бес түрме де осы тізімге кірген. Ал кедергілердің туындауына колонияның қала ішінде орналасуы себеп дейді. Яғни аппараттың жұмыс істеу қуаты мекеме аумағынан асып кеткен. 

Еркін Нұрбаев, Жамбыл облысы ҚАЖД бастығының орынбасары:

- Құрылғылар толық қабылданып біткен жоқ. Ертең арнайы мамандар келіп, барлық  ұялы байланыс мамандарымен бірлесіп сыртқа шығып жатқан диапазонды қысқартып, ішке тартамыз. Ол жұмыс жүргізіледі. Бұның бәрі қазіргі заманауи аппараттар. Бәрі баптауға келтіріледі.

Департамент басшылығы жағдайды толық реттеуге бір апта уақыт жетеді деп отыр. Ал тұрғындар мұндай жағдайдың бұған дейін де жиі болғанын айтады. Сондықтан ең дұрысы, бес түрмені де қала сыртына көшіру керек дейді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!