Шешендік байқауында өнерлі өрендердің ой ұшқырлығы, тіл тазалығы, дауыс мәнері, сахна мәдениетін сақтау сарапқа салынды. Сондай-ақ шешендер сөзін жатқа айтудан жарысты. Жеңімпаздар ақшалай сыйлықпен және алғыс хаттармен марапатталды.

Байқауға үшінші жыл қатарынан Зейнолла Сәнік атындағы мәдениет қоры демеу жасады. Жоба авторы – журналист, шешендік сөз өнері пәнінің мұғалімі Жарқын Сәленұлы. Байқау жаңа буын, жас ұрпақты тіл тазалығын сақтауға, тәрихи-мәдени және ұлттық болмысын тануға бағытталған.

Серік Қалиев, ақын, Зейнолла Сәнік атындағы мәдениет қорының атқарушы директоры:

- Кешегі Төле би, Қазбек би, Әйтеке би бабаларымыз сияқты, Бөлтірік шешен, Жиренше шешен сияқты ділмарлар шығу үшін, әрине, оларды үнемі сайысқа салып отыру керек. Жанжақты білімінің, сөз саптауын бүгін жан-жақты көрсетіп жатыр. Тіліміздің өрісі ұзара берсе, жас ұрпақты шешендікке баули бірсек, ана тіліміздің жарқырайтын күні алда деп ойлаймын.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!