Түнгі сағат сағат  12 шамасында тұтанған от лезде күш алып, әп-сәтте 8 контейнер мен 2 құрылыс дүкені және асхананың түгі қалмай жанып кетті. Шұғыл жеткен саудагерлер тілсіз тауарларын өрттен арашалап қала алмады. Бәрі көз алдында күлге айналды. Төтеншеліктер шұғыл жетпегенде, орасан жарылыс болуы мүмкін еді. Өйткені дүңгіршектерде 30 литрлік бес газ баллоны болған. Бәрін шығарып үлгерген. Өрт айналасы бір сағатта толық сөндірілді. Жалын шарпыған аумақ 290 шаршы метр. Қазір келтірілген шығын мен өрттің неден тұтанғанын анықтап жатыр.  

Ералы Ақылбеков, Жамбыл облысы ТЖД бастығының орынбасары:

- Тараз қаласы Мәмбет батыр көшесі №2 мекенжайында орналасқан жеке кәсіпкер Тұрсынбаевтың ауласында өрт болды. Адамдар тірі. Өртпен 13 техника, 50 қызметкер күресті.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!