Мұрат Жұманбай, "Елбасы академиясы" корпоратив қорының басқарушы директоры:

- Жалпы пікірсайыс бұл қазіргі әлемде тиімділігін дәлелдеген білім беру және бала тәрбиелеудің ең үздік технологияларының бірі. Батыс елдерінде және соңғы 26 жылда Қазақстанда да дамып келе жатыр. Пікірсайыстың ерекшелігі – Ұлыбритания парламентінің форматымен өтеді. Яғни бұл жерде екі команда екі командаға қарсы төрт команда ойнайды. Бірақ нәтижесінде бір ғана команда жеңіскер болады.

Турнирге қатысуға еліміздің бар аймағынан 330 команда ниет білдірген. Өз жерінде үздік шыққан 56 топ ұлттық турнирге жолдама алыпты. Пікірсайыс ойыны екі күнге созылды. Оқушылар әлемде, елімізде болып жатқан әлеумет, қоғам тақырыптары бойынша пікір таластырды. Оларға арнайы төрешілер қазылық етті. "Елбасы академиясы" ұйымдастырған дебаттың жүлде қоры да үлкен. Қатысқан әр оқушы құр қол қайтпайды. Биыл да іс-шара соңында мерекелік концерт ұйымдастырылып, бағалы сыйлықтар табыс етілді.

Байдалы Қажымұратұлы, турнирге қатысушы:

- Дебатта менің ой-өрісім, тілдік шешендігім және де тағы да басқасы айқын көріне бастады. Қатты қызықтырды. Тақырыпқа алдын ала сілтеме берілді, яғни суреттер арқылы. Біз соған қарап, жоба мен тақырыптарды білдік.Соған байланысты, шамамен болсын дайындалып келдік.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!