Балалар жыл бойы коньки теуіп, спортшы даярлайтын мұз сарайы осыдан төрт жыл бұрын салынған. Оны мемлекет жеке серіктестік жобасы аясында Словакия инвесторы тұрғызған. Шетелдік компания бес жыл ішінде кеткен шығынын өндіріп, 2024 жылы әкімдік балансына беруге тиіс еді. Бірақ жергілікті билік инвестордың қарызын жауып, кешенді ерте қолға алуды қалайды. Өйткені тұрғындардан тегін үйірмелердің жоқтығы мен мұз сарайындағы ақылы секциялардың қымбат болуына қатысты арыз көптеп түскен. Инверстор банк алдындағы қарызын жаптырып қана қоймай, қосымша 300 миллион теңге тағы сұрапты. Ақыры екі тарап бірін-бірі сотқа сүйреумен болды. Істі қараған судья спорт сарайын спорт басқармасының қарамағына жедел өткізген дұрыс деп шешті.

Нұргүл Танкиева, Ақтөбе облысы мамандандырылған экономикалық сот судьясы:

- Ақтөбе облысы спорт және дене шынықтыру басқармасының қарсы шағымы қанағаттандырылсын. «H+H TECHNIKA» қоғамынан Ақтөбе қаласындағы мұз сарайы спорт кешені мемлекет меншігіне алынсын. Осы қоғамнан 86 миллион 796 теңге көлеміндегі мемлекеттік баж жергілікті бюджет кірісіне өндірілсін.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!