Иван Павлов, кеме капитаны:

- Кемені мұз қысып тастамауы үшін күн сайын таңертең мұз оямыз. Мұз қысса кеменің корпусын жарып жібереді. Сондықтан күнде ойып тұрамыз. Кей кезде түнімен 5 см қалың болып қалады. Бүгін қалыңдығы 3 см болды, аяз сәл қайтты.

Қайранда қалған кемені «Амангелді» балық шаруашылығы мекемесінің жұмысшылары күні-түні күзетіп жүр. Су көлігі бүлінбесін деп, айналасына қатқан мұзды ойып тұрады. Өйткені күн жылынып мұз ерімейінше, катерді мұз құрсауынан шығару мүмкін емес. Балықшылардың теңізге шығатын кемесі су ортасында қалса, кәсіпорын 500 мың доллар шығынға батады.

Кәсіпкерлердің мұндай қиындыққа тап болуына теңіз сағаларының тазаланбауы себеп. Яғни каналдардың түбін тереңдету жұмысы  мүлдем жүргізілмеген. Ал шенеуніктер оған қыруар қаражат кетеді деп қол қусырып отыр.

Артур Сәдібекұлы, Атырау облысы балық шаруашылығы басқармасының басшысы:

- Жайық бойынша 7 миллиард, Қиғаш бойынша 11 миллиардтай қажет. Осы сұранысты тиісті органдарға, министрлікке жолдадық.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!