Қайырбек Өскенбаев, ҚР Индустрия және инфрақұрылымдық даму министрі:

- «Арселор Миттал Темиртау» бойынша келісімшарт міндеттемелері қайта қаралды. Қазірг Бас прокуратураның басшылығымен компания қызметі бойынша кешенді тексеру жүргізілуде. Нәтижелері туралы қосымша хабарланатын болады: "Тергеу аяқталғанша қандай да бір шешім айтуға ерте.

«Инвестор міндетіне салғырт қарап, талай апатқа жол берген компания басшылығын заң аясында тәртіпке салуға тырысамыз" - деді Өскенбаев.

Өткен дүйсенбіде өткен Үкіметтің кеңейтілген отырсында президент Қасым-Жомарт Тоқаев тағы бір мәрте «Арселор Миттал Теміртау» компаниясына тоқталған-ды. Ондағы былықты тезірек реттеп, қатаң қадағалауды премьер-министрге тапсырған. Биылдың өзінде бұл кәсіпорнында 14 адамның өмірі қиылыпты. Жалпы 2006 жылдан бері «Арселор Митттал Теміртауда» 20-дан астам оқыс оқиға болып, 100-ден астам азамат көз жұмған. Апаттың барлығына дерлік салғырттық себеп. Ал инвесторлар болар іс болып, бояуы сіңгеннен кейін кешірім сұраумен ғана шектеліп жүр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!