Әні-міне дегенше елордада Конституциялық соттың су жаңа ғимаратының құрылысы да аяқталып, жұмысын бастауға әзір тұр. Жалпы құзырлы органға сот үкімімен келіспеген, әкімішілік құқым бұзылды деген кез-келген адам шағымдана алады. Бүгін Астанада «Қазақстан Республикасының Конституциялық соты туралы» заңды Мәжіліс депуттатары, халықаралық сот пен ұйым өкілдері, ғалымдар, сарапшылар бас қосып талқылады. Басты мақсат - азаматтардың мүддесін қорғау. Және бұл мемлекет басшысы айтып жүрген құқықтық мемлекет болудың алғышарты дейді адвокаттар алқасы. Конституциялық соттың міндеті тек азаматтардың шағымын елеп-ескеру ғана емес, елде қабылданып жатқан барлық заң жобаларының конституцияға сәйкестігін де  қадағалайды. Жаңа соттың құрамы 11 адамнан тұрады. Оның үшеуі Сенаттан, үшеуі Мәжілістен, қалғандарын президент тағайындайды.

Шыңғыс Сейфолла, Астана адвокаттар алқасының мүшесі:

- Қарапайым өзіміздің азаматтар немесе бас прокуратура немесе адам құқықтары жөніндегі уәкіл егер қолданыстағы қандай да бір заңнамалық актілердің Конституцияға қарамақайшылығын анықтаса, онда тікелей өздері немесе жаңағы жалдаған заңгерлер, адвокаттар арқылы контитуциялық сотқа жүгініп, сол заңның заңсыз екендігін анықтап шешім шығартуға болады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!