Айыпталушы орындығында 11 адам. Ал тағы бір күдікті Әзімжан Саидбаев шетел асып үлгерген. Танымал вайнер қазір халықаралық іздеуде.

Онлайн өткен сотта айыпталушылар мен олардың адвокаттары салымшыларды сан соқтырған басты күдіктілер ағайынды Алмас пен Шыңғыс Құрманғалиевтердің бостандықта жүргеніне наразы. Әрі Мейіржан Төребаев пен Мейірхан Шерниязовтың адвокаттары судьядан қылмыстық істің қайта тергелуін сұрады. Себебі, айыптау актісінде нақты дәлел-дәйектер келтірілмеген дейді олар. Сондықтан қорғауындағы әзілкештерге бұлтартпау шарасын өзгертіп, тергеу изоляторынан үйқамаққа жіберуді сұрап отыр. Бірақ судья бұл уәжбен келіскен жоқ. Тергеу мәліметінше, осы қаржы пирамидалары мен ұйымдасқан қылмыстық топ құрғандар екі жүзге жуық адамды алдап соққан. Келтірген шығын 5 миллиард теңгеден асады.  

Мейіржан Төребаев, айыпталушы:

- Біз судьяға істі қайтадан прокурорға жіберуді сұраймыз. Тергеушілер тарапынан жіберілген қателік көп. Менің қылмысқа қатысым жоқ екені айдан анық. Оған келтірген дәлелдәйектеріміз бердік. Бірақ неге екені белгісіз, істе оны тіркемеген. Түсініксіз жайттар жетіп артылады. Қаржы пирмадиасын құрғандарға қатысым жоқ. Айыптау актісімен мүлдем келіспеймін.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!