Айгүл Маштакова, судья:

- Сот алқасы Батыс Қазақстан облысы мамандандырылған ауданаралық экономикалық сотының 23 қараша 2022 жылғы азаматтық іс бойынша шығарылған шешімді өзгертсін. Істі тоқтату мерзімі 10 жұмыс күні деп көрсетілсін.

Бұл даулы істі осыдан бір ай бұрын экономикалық сот үш тарап өзара ымыраға келсін деп шешіп еді. Бірақ «Кублей» де, әкімдік пен құрылыс фирмасы да оған үзілді-кесілді қарсы. Өйткені зауыттың санитарлық аумағына салынған көпқабатты үйлер сүрілмесе, кәсіпорын экологиялық лицензиясынан айырылады. Ол кезде 700-ден астам адам жұмыссыз қалуы мүмкін. Ал сот кәсіпорынның пайдасына шешім шығарса, 200 отбасы баспанасыз қалғалы тұр. Сондықтан судья «өгізді де өлтірмей, арбаны сындырмаудың» амалын қарастыруда.

Жәнібек Башанов, «Кублей» ЖШС заңгері:

- Бұл да осы жерде заң бұзушылық болып тұр. Азаматтық процессуалдық кодекс негізінде шығарған ұйғарым қайшы болып тұр. Өйткені бейбіт келісімге келмей жатырмыз. Қалайша, шағымымызсыз бейбіт келісімге бізді мәжбүрлейді. Енді қайтадан басталады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!