Президент қол қойған құжатта халықтың әл-ауқатын көтеруге арналған бірнеше маңызды тармақ та бар. Соның алғашқысы - енді әр отбасының цифрлық картасы болады. Демек алдағы уақытта азамат өзінің мемлекет алдындағы статусын, қандай қолдау алуға болатынын, нендей төлем ала алатынын алдын ала біліп отырады. Бұл жүйе 1 қаңтардан бастап жұмыс істейді. Цифрлық картаның арқасында Үкімет кімнің қандай көмекке мұқтаж екенінен хабардар болмақ. Әлеуметтік кодекстің тағы бір жаңалығы, мүгедек адамға қызмет көрсеткен отбасы мүшесі жалақы ала алады.

Тамара Дүйсенова, ҚР Еңбек және халықты әлеуметтік қорғау министрі:

- Әрбір азаматтың, егер де өзінің отбасында жұмыс істемейтін азамат болатын болса, сол кісіні жеке көмекші ретінде немесе әлеуметтік қызметкер ретінде рәсімдейтін боламыз. Оларға қосымша еңбекақы төлейміз, еңбекақыға қосымша әлеуметтік жарналарын, зейнетақы жарналарын беретін боламыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!