Төтенше жағдай түнгі сағат он екіде Таиланд шекарасына жақын Пойпет қаласында болған. Болжам бойынша, қонақ үй ішіндегі казинода жанармай бөшкесі жарылып содан өрт шыққан. Қызыл жалын лезде күш алып, ғимараттың жартысы опырылып түсті. Сондай-ақ от осы бизнес нысанына жапсарлас орналасқан көпқабатты тұрғын үйге де тараған. Қонақ үйден шыға алмай қалған меймандар мен қызметкерлердің шарасыздан терезеден секіріп жатқанын әлеуметтік желіге тараған видеолардан көруге болады. Жергілікті билік 50 адамды құтқарған. Ал онда 400-ге жуық адам жұмыс істейді екен. Сондықтан ажал құшқандар мен зардап шеккендердің саны әлі де артуы мүмкін. Қазір өрттің нақты себебі анықталып жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!