Ескерту: Тұмаудан өз бетіңше емделме
Ақтөбе облысында тұмаудың таралуы тоқтамай тұр. Бұл вирус бұрынғыдай емес, салдары қауіпті дейді мамандар. Тыныс жолдарын зақымдап, құлаққа да әсер етеді екен.
Автор: Жаңалық Ахаш
09.01.2023
Тұмаудың кесірінен ыстығы түспей дерті асқынған 64 науқас ауруханада емделіп жатыр. Барлығы дерлік бала. Көкжөтел мен тамақтың қарлығуынан бөлек, вирус мұрын мен құлақты қабындырады. Дәрігерлер ата-аналарға өз бетінше емделмеуді ескертуде. Тұмау белгілері байқалса, бірден маман кеңесіне жүгіну керектігін айтады. Өңірде тұмаудан бөлек, коронавирус инфекциясы да қайта тарап жатыр. Қазір қауіпті вирус жұқтырған 8 жүкті келіншек ауруханада емделуде. Тағы 55 адамды ақ халаттылар бақылауға алыпты.
Бекболат Ізбасаров, Ақтөбе облысы денсаулық сақтау басқармасы басшысының орынбасары:
- Биыл тарап жатқан тұмау науқастардың тыныс алу мүшелерін зақымдап жатыр. Біріншіден, отит, құлақ қабынуы дерті көбейді. Гайморитке шалдыққандар да бар. Биылғы тұмаудың қауіпі осында болып отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!