Бірақ соңғы екі-үш күнде есінен адасып, аяқ асты өзгеріп кеткен. 20 жастағы жауынгердің туыстары бұл әскери бөлімдегі әлімжеттіктің кесірі болуы мүмкін деп күдіктенеді.

Қызылорда қаласынан былтыр көктемде ғана әскерге алынған Самрат Тыныштықбай жыл өтпей жатып жындыханадан бір-ақ шықты. Туыстары бұған әскери бөлімдегілердің қатысы бар деп топшылайды. Себебі, осыдан бес күн бұрын ғана ауылдан анасы мен әжесі келгенде ұлы сау болған екен. Арада бірер күн өткен соң Самрат психикалық ауытқуы бар науқастарға арналған ауруханадан бір-ақ шыққан.

Салтанат Тыныштықбай, сарбаздың апасы:

- Күдігіміз бар, ұрған болуы керек. Әйтпесе екі күнде ол бүйтіп жынды адам құсап қалмайды ғой. Жынды адам сияқты боп қалған. Оны қорқытыпүркітіп, ұрып-соғып, соны білдірмейтін қылған. Жаңа біреу «психотроп зат салып жіберуі де мүмкін» деді. Сап-сау баланы екі күннің ішінде әскери бөлім психауруханаға жатқызған. Не деген оңбаған адамдар!

Ал әскери бөлімдегілер туыстарының күдігін жоққа шығарады. Күнделікті қызмет етіп, үлгілі сарбаз ретінде танылған Самрат таңғы сап түзеу кезінде түсініксіз әрекет істей бастады дейді. Тіпті қаруластарына әмір беріп, пәрмендерді тыңдауды қойған соң, медициналық ротаға жібердік деп ақталуда.

Әділет Кенжебеков, 35748 әскери бөлімі артиллерия дивизионының командирі:

- Балаларға өзіненөзі басқа тұрып, үндемей сапта тұрады да, бірақ сөйлеп тұрады, бірдеңе деп. Мысалы, «сапқа тұрыңдар» деп айқайлайды.

- Өзіменөзі. Сосын өлең айтады. Бәріміз бір сапта тұрғаннан кейін белгіленген тәртіп бар. Ол тәртіпке бағынамыз. Ол тәртіпке бағынбай, бір теріс қылықтар жасады.

20 жастағы сарбазды кешелі бері тексеріп жатқан психикалық емдеу орталығының мамандары есінде кемістігі бар екені анық дейді. Бірақ нақты диагноз әлі қоя алмаймыз деп отыр.

Сухраб Әбдіқадыров, Шымкент психикалық денсаулық орталығының бөлім маманы:

- Келіп түскен кезде психикасының қатты бұзылғаны байқалды. Қазір  науқас стационарлық тексеруге және емделуге жатқызылды. Диагнозы әлі қойылған жоқ. Тексерілуде. Он күннің ішінде диагноз қойылады.

Мамандар бұл мекемеде кем дегенде бір ай жатады деп отыр. Ал сап-сау ұлын есінен тандырған әскери бөлімдегілер екеніне сенімді жақындары әскери прокуратура айналысып, бейнекамераларды жіті зерттеуін талап етіп отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!