Мал қамайтын қора алтын шығаратын цехқа айналған. Тас үгітетін қондырғыны жертөлеге қазып орнатыпты. Алтын аралас қиыршық кенді алдымен осы жерде ұсақтайды. Ал екінші бөлме – алтынға бай топырақты жуатын орын. Күдікті бұл құрылғыны да қолдан жасап алған. Ол шикізатты алтын фабрикасынан шығарылған қалдықтан жинап алғанын айтады.  Жасырын цехтан құрамында алтыны бар екі қап құм-тас тәркіленді.

Гүлнар Пинчук, Ақмола облысы ПД баспасөз қызметінің жетекшісі:

- Бұл факті сотқа дейінгі тергеп-тексерулердің бірыңғай тізіміне енгізілді. Құрамында қымбат металл бар шикізатты, қымбат тастарды заңсыз өндіру бабымен іс қозғалды. Оның қай уақыттан бері заңсыз жолмен табыс тауып келгені, басқа да сыбайластарының бар-жоғы тексеріледі.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!