Енді мектептерде соңғы қоңырау 1 маусымда соғылады
Бұдан былай оқушыларға соңғы қоңырау 25 мамырда емес, 1 маусымда соғылады. Осылайша оқу жылының соңғы салтанаты Халықаралық балаларды қорғау күнінде өткізілетін болып бекітілді. Бұдан балалардың демалысы кеміп қалмайды екен.
Автор: Айғаным Достанбай
19.01.2023
«Каникул бұрынғыдай сақталады, яғни оқу күндерінің саны көбеймейді, ал демалыс кезеңі азаймайды» - дейді оқу-ағарту министрлігіне қарасты орта білім комитетінің басшысы.
Гүлмира Кәрімова, ҚР Оқу-ағарту министрлігі орта білім комитетінің төрайымы:
- Барлық мектептерде оқу жылының ұзақтығы 36 апта. Дәстүр бойынша оқу жылы 1 қыркүйекте басталып, биылдан бастап 31 мамырда аяқталады. 31 — мамыр оқу күні. Бұл күні еліміздің мектептерінде оқушылардың жас ерекшеліктерін ескере отырып, Саяси қуғын-сүргін құрбандарын еске алу күніне арналған сыныптан тыс сабақтар өткізіледі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
