Қатты соққыдан көлігі қақ бөлініп, үш жігіт тіл тартпай кетті – Алматы
Бағанаға соғылып, екіге бөлініп қалған. Алматыда жантүршіктіретін жол апатынан 20-ға жетпеген жас жігіттер қаза тапты.
Автор: Нұртілеу Жылқышыбай
27.01.2023
Оқиға кеше түнгі 11 жарым шамасында болды. Сайын көшесімен кетіп бара жатқан Хонда көлігінің жүргізушісі Ұлықбек көшесіне жете бергенде рөлге ие бола алмай, жарық бағанасына соғылады. Соққының қатты болғаны соншалық, темір тұлпар ортасынан бөлініп кеткен. Ішінде болған 19 жастағы жүргізушісімен қоса, 2003-2004 жылғы екі жолаушысы мерт болды.
Өткен жексенбіде әл-Фараби даңғылының бойында екі көлік бетпе-бет соғылып, 20-ға да толмаған үш жігіт қыршын кеткен еді.
Салтанат Әзірбек, Алматы қаласы ПД ресми өкілі:
- Алдын ала мәлімет бойынша, жүргізуші сау болды. Жол жүру ережесін өрескел бұзуы мүмкін деген деректі жоққа шығармаймыз. Оның ішінде мүмкін жылдамдықты асыра пайдаланған болар. Осы сұрақтарға тергеу жауап беретін болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
