Елдегі мұнай өңдейтін үш зауытты жөндеу керек
Елдегі мұнай өңдейтін үш зауыттың үшеуіне де күрделі жөндеу керек. Бұл туралы энергетика министрі ведомствоның алқа мәжілісінде мәлімдеді. Болат Ақшолақов жөндеу жұмысын осы жылға жоспарлап отыр екен.
Автор: Айғаным Достанбай
01.02.2023
Шымкенттегі мұнай өңдеу зауытын жөндеуді 2023 жылға шегерудің есебінен өткен жылы АИ-92 жанармайы мен дизель отын өндірісінен рекорд көрсеткішке қол жеткіздік дейді министр. Биыл зауытты жөндеп қана қоймай, кеңейту де жоспарлануда. «Биыл министрліктің негізгі міндеті – ішкі нарықты сапалы мұнай өнімдерімен толық қамту. Экономиканың сапалы жанар-жағармайға деген сұранысын орындау үшін биыл өндірісті жылына 6 млн тоннадан 9 млн тоннаға дейін, келешекте жылына 12 млн тоннаға дейін ұлғайтуды көздеп отырмыз деп түйіндеді энергетика министрі.
Болат Ақшолақов, ҚР Энергетика министрі:
- 2022 жылы АИ-92 бензині мен дизель отынының рекорд мөлшерін өндірдік. Осындай көрсеткішке қол жеткізу Шымкент мұнай өңдеу зауытындағы күрделі жөндеуді 2023 жылға ауыстыруға байланысты болды. Биыл барлық үш мұнай өндеу зауытында жоспарлы жөндеу жұмысының жүргізілетінін ескерсек, өндіріс көлемі 13,4 млн тонна деңгейінде болады деп болжанады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
