Бақытжан Сағынтаев: ЕАЭО-қа мүше елдерде ортақ валюта болмайды
Еуразиялық экономикалық одаққа мүше елдерде ортақ валюта болмайды. Бұл туралы Алматыда алты мемлекеттің үкімет басшылары Еуразиялық үкіметаралық комиссияның кеңейтілген отырысында айтты. Келелі жиында премьер-министрлер бірқатар маңызды мәселе талқылап, өзара ынтымақтастық пен алыс-берісті одан әрі нығайтуға уағдаласты.
Автор: Сымбат Ғалымбекұлы
03.02.2023
Комиссияның экономика және қаржы саясаты жөніндегі министрі Бақытжан Сағынтаев көптен бері айтылып жүрген ортақ валюта енгізу тақырыбы күн тәртібінде жоқ екенін жеткізді.
Бақытжан Сағынтаев, Еуразиялық экономикалық комиссияның Экономика және қаржы саясаты министрі:
- Бұл біздегі Одақ келісімшартынан шығып отыр. Ол келісімшартқа сәйкес, 2025 жылға қарай біз ЕАЭО елдеріне ортақ, бірыңғай қаржы нарығын қалыптастыруымыз керек. Осының аясында қаржы саласының заңнамасын үндестіру туралы келісім қабылдануы керек. Қаржы саласы дегенде банктер, бағалы қағаздар, сақтандыру нарығы екенін білесіз. Яғни Одаққа мүше елдер арасында ортақ валюта енгізілмейді. Біздің келісімшартта, құжатта бұл туралы мүлдем айтылмаған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
