Маңғыстау облысының аудандары мен біраз ауылдарында қалың қар жатыр. Ақтау-Құрық тас жолындағы көктайғақтан тіпті жүру мүмкін емес. Маңғыстаудың көп жеріндегі жағдай осындай. Бір таңқалдыратыны – желтоқсан, қаңтарда жаумаған қар ақпанның ортасында әбігерге салып жатыр дейді тұрғындар. Коммуналдық қызмет көк мұзға тұз бен құм сеуіп әлек.

Елнұр Қоянбай, Ақтау жолаушылар көлігі және автомобиль жолдары бөлімінің бас маманы:

- Ақпанның 14-не қараған түні мердігер мекемемен Ақтау қаласы автомобиль жолдарына тазарту жұмысы жүргізілді. Бірінші кезекте автобус аялдамалары, әлеуметтік нысандар және төмендеп-көтерілу бағыты бар жолдар тазартылды. Жалпы тазарту жұмысына 102 жол жұмысшы, 4 арнайы техника жұмылдырылды. Жолдарға 26 тонна техникалық тұз себілді. Тазарту әлі жүріп жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!