Әлем додасында қазақстандық спортшылар қыстық спорттың 11 түрінен бақ сынап, 11 жүлде еншіледі. Нақтырақ айтсақ, 3 алтын, 4 күміс және 4 қола медальмен 11-ші орынға тұрақтаған болатын. Қоржынға түскен үш алтынның екеуі Қазақ спорт және туризм академиясының студенттеріне тиесілі. Бүгін жүлдемен оралған жас спортшылар студенттермен көрісіп, жеңіске қалай жеткенімен бөлісті.

Шара соңында дүниежүзілік Универсиадада шаңғымен тұғырдан секіруде үздік нәтиже көрсеткен Данил Васильевке білім гранты табысталды.

Дүбірлі додада 4-ші, 5-ші орынға ие болған төрт студентке биылғы оқу ақыларына 100 пайыз жеңілдік сертификаты берілді.

Данил Васильев, Универсиада-2023 алтын медаль иегері:

- Қазақ спорт және туризм академиясында бірінші курста оқимын. Ақылы бөлімге түскенмін. Әлем додасында көк туымызды желбіреткеніме маған білім гранты табысталды. Өте қуаныштымын. Қолдау білдірген жандарға алғысым шексіз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!