Таңмен таласа тұратын тәртіп сақшыларының жұмысы бүгін де ерте басталды. Жалпақ жұртқа өз жұмысын көрсетуге кіріскен олардың жанында журналистер бар. Тілшілерге де тәртіп бойынша арнайы формамен сап түзетіп, алдағы қыз-келіншектер мерекесімен құттықтады. Патруль полиция бөлімінің қызметкерлерімен бірге науқан аясында қала ішін барлауға аттанды. Тәртіп сақшыларының негізгі жұмысы 102 нөмірі бойынша шақырту қабылдау. Сондай-ақ жол-көлік оқиғасын реттеп, ереже бұзғандар мен мемлекеттік нөмірсіз жүргендерді тоқтатады. Көліктерінің терезесін тұмшалап алғандарды қадағалайды. Бұлардың бәріне қолданатын жаза –  әкімшілік хаттама. Полицейлердің айтуынша, бір ғана Медеу ауданының өзінде күніне дәл осындай 150-ге жуық заң бұзушылық анықталады екен. Әсіресе қала ішінде автотұраққа көлігін дұрыс қоймайтындар көп дейді. 

Ақжол Нүсіпбеков, Алматы ПД патруль полициясының аға лейтенанті:

- Жұма, сенбі күндері рейд болады. Агрессивті жүру дейді. Жолкөлік ережесін бұзғандар, көлікті тоқтатамыз немесе қатты жүрген көлікті  тоқтатып, заңды түрде әкімшілік хаттамасын толтырамыз. 608 бап, 1 бөлігі бойынша әкімшілік хаттама толтырылады. Ол көлік құралын жүргізуші мас күйінде айдағандарға. Ол жерге 7 жыл. Ал қамау 15 күн. Ең қатаң жаза сол болады. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!