Қызыққа толы отбасылық комедияға түскен актерлердің дені — жасөспірімдер. «Каникулы off-line» фильмінің үшінші бөлімі де қызықтан кенде емес. Отбасылық комедия кез келген жастағы адамның көңілінен шығары сөзсіз. Картинаның түсірілімі  бар-жоғы 20 күнге созылыпты. Оған қоса отандық туындыда рөлдердің көбін әлі танылмаған жасөспірімдер сомдаған.
 
Ернар Құрмашев, фильмнің продюсері:

- Біріншіден, бұл фильмде отбасы құндылықтарын, достық пен Отанға деген махаббатты, туған тілді құрметтеу керектігін көрсетеміз. Ең бастысы, адамдарды бірліккке шақырамыз. Фильмді менің туып-өскен ауылымда түсірдік. Актерлердің көбі кәмелетке толмаған, осы салада тәжірибесі жоқ балалар. Сондықтан комедияны көруге кеңес беремін.

Фильмнің сюжеті балаларға арналған «Ауылкэмп» атты этно-лагерьде өрбиді. Қалада өскен жеткіншектер телефон, планшеттерін тастап, ауылдың қоңыр тіршілігімен танысады. Оқушылардың бастан кешкен қызықты оқиғалары көрермендерді қыран-топан күлкіге қарық қылдырады.
Мағжан Хамит, актер:

- Бұл фильмнен кейін мен ата-анаммен көп уақыт өткізетін болдым. Ата-анамды сыйлайтын болдым. Көп сөйлесетін болдым. Бағалай білдім. Үш-төрт жылдай болды фильмді жалғастырмағанымызға. Жаңа кішкентай балалармен танысқанымызға қатты қуандық. Сол кездер өте қызықты болды.

«Каникулы off-line» фильмінің алдыңғы екі бөлімі ең көп көрілген туындылардың тізіміне кірген. Фильмнің үшінші бөлімі ертеңнен бастап еліміздің барлық кинотеатрында көрсетіле бастайды. Отандық комедияны тамашалаудан қапы қалмаңыз!

Бізді Youtubе-та қараңыз! Бізді Facebook-та, Instagram-да, Telegram-да оқыңыз!