Ерболат Досаев №388 сайлау учаскесіне жұбайын бірге келіпті. Шаһар басшысы алдымен бюллетень алып кабинаға аттанды. Көп ұзамай дауыс беру парағын жәшікке салды. «Елдің болашағына шын жүректен алаңдайтын тұрғындар сайлауға бейжай қарамайтынына сенімдімін», - дейді Досаев.

Ал Астана қаласының әкімі саяси науқанға жалғыз келген. Ол Оқушылар сарайында орналасқан № 59 сайлау учаскесінде өз таңдауын жасады. Жеңіс Қасымбек сайлауда шынайы бәсекелестік бар екенін жеткізді.

Жеңіс Қасымбек, Астана қаласының әкімі:

- Бізде екі округ бойынша Мәжіліске 40-тай үміткер бар. Сондықтан белсенді өтіп жатыр. Конкуренция бар. Азаматтар көп, бәрі елді ойлайтын азаматтар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!