Салтанат Әзірбек, Алматы қаласы ПД ресми өкілі:

- Күдіктінің  жәбірленушімен бірнеше күннен бері таныс болғаны, қылмыстың жанжал кезінде істелгені белгілі болды. Алматы қаласы ПД Тергеу басқармасымен ҚР ҚК 99-бабы 2-бөлігімен тергеліп жатқан қылмыстық іс аясында сараптамалар тағайындалды.

Әлеуметтік желіде осыған дейін күдікті марқұмның денесін сүйреп бара жатқан видеосы және фотосы тараған. Полиция мұны тек бүгін растады.

Осыдан екі апта бұрын базардан пакетке салынған адамның басы табылып, жұрттың жағасын ұстатты. Куәгерлер күдіктінің көк күрте кигенін, көзілдірік пен бетперде таққанын айтты. Жәбірленушінің денесі базар жанындағы қараусыз ғимарат қасынан табылды.

Марқұм 1976 жылы туған әйел. Бұрын есірткі қылмысы үшін бірнеше рет сотталған. Жанжал не үшін болғаны, қылмыстан соң басты неліктен базарға апарғаны тергеуде белгілі болады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!