Қаңтар: Алматы ҰҚКД экс-басшысы алты жылға сотталды
Қаңтар оқиғасына қатысы бар тағы бір лауазымды тұлға сотталды. Алматы қаласы Ұлттық қауіпсіздік комитеті департаментінің бұрынғы басшысы жаппай тәртіпсіздік кезінде әрекетсіздік танытқаны үшін алты жылын темір торда өткізетін болады.
Автор: Сымбат Ғалымбекұлы
25.04.2023
Бас прокуратураның мәліметінше, Нұрлан Мәжилов қаңтар оқиғасы кезінде департамент ғимаратын тастап кеткен. Соның салдарынан ғимаратта қалған қару-жарақ бүлікшілердің қолына өткен. Ол енді 10 жылдай мемлекеттік қызметте, жергілікті өзін-өзі басқару органдарында, қаржы ұйымдарында қызмет ете алмайды. Сондай-ақ Ұлттық қауіпсіздік комитетінің генерал-майоры шенін де айырылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
