Дүйсенғалым Тоқтаған, Алматы қаласының тұрғыны:

- Түнде тоғыз жарымда жарық өшіп қалды. Содан кейін сыртқа шықсам, ортаңғы пәтер лаулап жанып жатыр екен. Үшінші үй. Әйелімді шығарып келіп, қайтадан былай жүгіріп келсем, шатырым жанып жатыр екен. Енді үйсізкүйсіз қалдық.

Өрттің күш алған сәті куәгерлердің телефонына түсіп қалған. Абырой болғанда құтқарушылар іштегі 6 газ баллонын дер уақытында сыртқа шығарып үлгерген.

Өрттің жалпы аумағы 280 шаршы метр. От түнгі он жарым шамасында ауыздықталды. Артынша, пәтер ішінен 1965 жылы туған азаматтың мәйіті анықталды. Ол осы үйдің тұрғыны.

Оттың неден тұтанғаны әзірге белгісіз. Тексеру басталып кетті. Жақын жерге жалын шарпып үлгермеу үшін 43 құтқарушы жан-жақтан жабылып өшірген. Бір-ақ сәтте далада қалған төрт отбасының әзірге туыстарының босағасын сағалауына тура келеді. Ондай мүмкіндігі жоқтарды әкімдік уақытша қонақ үйге орналастырды.

Ермек Әміров, Түркісіб ауданы әкімінің орынбасары:

- Оның ішінде бір отбасы толықтай осы Алматы қаласында туыстары жоқ болғаннан кейін, оларды Түрксіб ауданының әкімшілігі өз қарамағына алып, қонақ үйге орналастырған болатын. Одан бөлек, осы тексеру жұмыстар біткенге дейін сол отбасыға әкімдік тарапынан көмек көрсетілетін болады.

8 707 020 81 95 (Галина Ягуткина)

8 707 891 90 27 (Айгерим Алибек)

Бізді Youtubе-та қараңыз! Бізді Facebook-та, Instagram-да, Telegram-да оқыңыз!